الجناح المكسور

شفت وجه بين الوجوه
عايش بجناح مكسور
يبات بلا عشا
ويصبح بلا فطور
غادي جنب الحيط
ما يتفافى ولا يدور
راض بالرزق القليل
عارف الجنة تبد فالقبور
البسمة ماتخط وجه
فرحان ديما مبشور
الكرش خاوية
والبال مرتاح مسرور
يقول الحمد لله
بالليل والبكور
الصحة كاينة
السمع والبصر
والوجه شايع بالنور
لله الحمد ربي الشكور
مفرق الارزاق
بالقدر المقدور
ونهار يجي الدرهم
ماهو ليه وحدو
حق لحباب فيه مسطور
هو ماهو بخيل ولا قتور
ما ينسى العشرة
والزمان قلاب
اليوم هم فالعلالي
غدوة يكونو فالحدور
اليوم هو مكسور جناح
وهم طايرين بين الصقور
دارو بالطوب والخشب
غدوة هومن سكان القصور
لاتيق يا عمي فالدنيا
بيه وبينا ليام كدور